林敏驄年前開騷都有邀請陳志雲，被指算是「志雲派」時，與無綫冇約的阿驄笑說：「梗係唔係，係我就一早紅咗啦！攣的直不了、直的攣不了！」但他事後亦正經地表示同情陳志雲，因自己感同身受，都被人無理取鬧和誣告中。對於陳志雲高調開記者會，阿驄說：「覺得自己啱嘅就要堅持，我都有SMS佢，佢有覆我，表示多謝關心。」問到現時忙甚麼時，他又貫徹玩嘢作風說：「我籌備緊舞台劇《救救小乳雲》。」
另外，「志雲派」陳鍵鋒昨晚出席導演會春茗時表示，於電台聽到志雲開記者會：「佢把聲好精神，一貫陳生EQ咁高。（SMS問候？）我冇佢電話同Email！（之前同佢食飯？）冇喎！尋晚先喺上海返嚟！（愛將喎！）你話啫！」問到工作會否受影響，陳鍵鋒表示下月中開拍新劇：「我向來返工放工，唔理公司內部運作，所以搞成咁！（搞成點？）乜都冇囉！」他又未曾與「思潮」合作，只有早前志雲秘書透過經理人問他是否需要買《志雲飯局》舞台版的票。