電影《惡胎》前晚在旺角舉行首映禮，性感Icon周秀娜首次擔正女主角，卻「收咪」以透視裝上陣，性感程度大減！相反呂慧儀邀設計師訂造靚裙，勁騷白滑玉背及修長美腿，搶盡風頭！

A. Lin（左起）、DaDa Lo、Hailey C.與周秀娜拉紙炮時，驚到面容扭曲！

穿上大露背裙的呂慧儀，以白滑玉背搶盡風頭。

收埋「事業線」

首映吸引大批途人圍觀，不少街坊讚呂慧儀樣靚身材正，問到是否刻意以性感短裙與周秀娜對撼，她笑說：「唔係，我以為你哋鍾意睇『事業線』添！我專登收埋咗，費事成日畀大家見到。」問到若票房理想會否更性感示人，她說：「咁要睇吓事業理唔理想，先考慮露事業線喇！」她還笑言林雪以大肚腩為她擋駕，隔開人群，故踩入旺角鬧市亦不擔心安全問題。

同場的05年多倫多華裔小姐冠軍倪晨曦，最近與黃宗澤傳緋聞，她澄清雙方只是普通朋友，沒有對方的聯絡電話，亦不認識胡杏兒：「啱啱返嚟幾個月，好多人都唔係好識。」