樂壇天后容祖兒向來大受廣告商歡迎，最近她被重金禮聘為女性衞生潔體露Summer's eve擔任代言人，日前她與三位人氣Model拍攝電視廣告，更要在床上又瞓又俯身，大Sell骨感美！她笑說：「我梗係做足安全措施啦！不過都露唔到啲咩，呢度有三個Model，年輕貌美，我邊敢露呀？主力都係露齒囉！」

圍埋傾女人經

正所謂「三個女人一個墟」，祖兒笑言埋位前，四人會圍在一起談女人經，非常投契：「今次個廣告畀人感覺好舒服，周圍都白雪雪！我一向好注重清潔同保養，舒舒服服，咁唱歌、拍嘢都會開心啲啦！」她透露現正為年底的演唱會揀歌及準備，希望屆時以最佳狀態示人。另外，她開到口期待拍攝女性用品廣告，因為可以推薦給朋友之餘，她亦能夠受惠，可謂一舉兩得！