楊受成的母親陳銀女女士周日凌晨三時於養和醫院不幸逝世，享年84歲。當晚楊母的子孫及所有直系親屬逾六十人齊集醫院，床前陪伴至親安詳離去。楊受成一向侍母至孝，其兒子楊其龍更視祖母如珠如寶，去年生日時更偕同祖母出席派對，愛錫之情不言而喻。
懷着喪母之痛的楊受成接受訪問時說：「媽媽係老人病，呢兩年多次進出醫院。老人家年紀大在所難免，雖然係咁，但我仍然感到心痛同唔捨得，身後事依家安排中。」
身為楊受成長女的楊諾思表示，祖母逝世時十分安詳：「嫲嫲最擔心係Gilbert（楊其龍），叫我哋睇住佢，所以我成日喺嫲嫲耳邊同佢講叫佢放心。Gilbert由細跟住嫲嫲大，最錫嫲嫲，所以嫲嫲唔喺度，Gilbert好傷心。女仔有咩事都會講出嚟，我驚男仔唔講出嚟會出事，所以我哋幾姊妹輪流陪住細佬傾吓偈，我亦會幫佢祈禱。」她透露Gilbert昨日取消出席活動，他昨日回覆本報時說：「我唔想講，多謝關心！」