薛家燕前晚舉行《家燕豐盛繽紛60年》生日會，筵開百席歡宴賓客，除了父親及一對子女，佘詩曼、張可頤、甄子丹夫婦、徐小鳳及黎小田等亦有到賀。
家燕姐獲贊助佩戴千萬鑽飾，盡顯貴氣，但她自爆驚險事：「好多人同我握手，隻戒指曾經甩出嚟，好彩冇跌落地。」而囡囡石祐珊表示送了名貴手錶：「隻錶搵人設計，全世界得一隻。」甄子丹透露由太太汪詩詩挑選了水晶老虎擺設作賀禮，又表示睇家燕姐的電影睇到大。張可頤象徵式封利是賀壽，讚家燕姐是心思縝密的大姐姐。謝天華則說：「送名貴禮物。（冇折現？）後輩折現好古怪。」
原本賓客名單上有廖碧兒、鄧萃雯、苗僑偉夫婦、無綫高層樂易玲、曾勵珍和何麗全等，但未見蹤影，家燕姐說：「有少少遺憾，原本高層應承話嚟，但打畀我話知道好多傳媒在場，唔方便講嘢，我同（陳）寶珠都有通電話。」