身為下屬的藝人，送十幾萬名貴手袋給高層做禮物，黃國桐律師指或涉賄賂：「普通禮貌上請食飯飲茶就話，不過送十幾萬手袋做禮物真係好灰色地帶，法官會推論禮物價值符唔符合送禮者身份！普通一個藝人，十幾萬嘅手袋都未必捨得用，何況送禮？（高層申報畀上司就冇問題？）根據《防止賄賂條例》第9條，私營機構僱員得到僱主允許係可以收禮，不過TVB係公營機構，即使高層申報畀上司，法律上都係唔應該收！」至於曾出席高層生日會的藝人，對送禮答得十分避忌，廖碧兒說：「冇送過十幾萬嘅袋畀樂小姐（樂易玲），當時我話後補禮物，不過未送，佢知我屋企有負擔，叫我努力工作就得喇！」呂慧儀笑說：「我送嘅係普通禮物，平貴見仁見智。」葉翠翠則說：「送咩唔講喇！」