於安徽出生的Zelia,在上海擔任模特兒時被發掘來港,起初連一句廣東話也不懂,來港發展後最重要是克服語言障礙,她說:「同事全部講廣東話,要我多聽、多講,起初我唔敢講,因為怕醜,又驚畀人笑,但有上海朋友教我,要學好廣東話就要面皮厚兼唔怕醜,依家我連膽都練大埋!」
做好本分
Zelia因被封「翻版徐子淇」而備受注目,工作接踵而來,但她卻對這個稱號有點抗拒:「我從互聯網得知徐子淇!佢好靚,又嫁得好,但我唔恨,因為每個人條路唔同,我只求做好本分。」
本來寂寂無聞的Zelia,現已成為模特兒公司Starzpeople的秘密武器,取代改泊黎明碼頭的Janice Man。Zelia初出道即跟許志安拍輯《我傷風你感冒》MV,清純形象令人留下深刻印象,除打下強心針外,也令她戲癮大增,而公司亦計劃栽培她成為全方位藝人:「我唔怕辛苦,最緊要可以挑戰自己!將來有機會拍電影,希望可以同偶像周星馳合作。」
節食減肥
對於受公司力捧,Zelia亦非常開心:「公司上下對我好好,感覺好似一家人!」同事更勒令她減肥,希望她上鏡時更漂亮、身材更Fit:「我晚餐唔食飯,用餐前先食雞蛋同飲水,感覺飽啲。」短短數個月,她已踢走十多磅肥肉:「我好懶,成日唔做運動,惟有從飲食着手,雖然辛苦,但成果令我充滿自信!」
不少模與警鐘模「胸湧」而至,但Zelia不覺得受威脅,亦不想成為模一分子,她認為大家發展路線不同,更自嘲24歲年紀不輕:「我鍾意按部就班,唔想一步登天!」
後記:唔再做「綜援」
不少圈中人為星途而改名,原名「鍾媛」的Zelia,則因來港後被取笑叫「綜援」而改名為「鍾浠文」,絕非為了轉運,她說:「鍾浠文呢個名唔係搵師傅改,而係同事同我一齊諗,純粹覺得好聽!我唔係迷信嘅人,唔信改名轉運,人哋鍾意你就鍾意你,冇理由改名後,會由唔鍾意變成鍾意你o架!」
Profile
姓 名:鍾浠文(Zelia Zhong)
年 齡:24歲
出生日期:1月19日
身 高:175cm
三 圍:32、23、34
學 歷:上海東華大學藝術設計課程畢業
演出經驗:許志安《我傷風你感冒》MV、Bauhaus時裝騷、Lipton茶包廣告、黛安芬廣告等