最近惠英紅（小紅）憑《心魔》人氣再度爆燈！繼早前勇奪台灣金馬獎「最佳女配角」同角逐金像獎「最佳女主角」之後，佢仲攞埋「香港電影評論學會大獎」嘅影后，小小So都戥佢開心呀！
唔好以為小紅淨係識做嘢，其實佢都好鍾意偷得浮生半日閒，仲好識得打扮添！每次佢出席公開場合，都着到鬼火咁靚！有次佢接受訪問，小小So見佢着住條連身裙、外襯乾濕褸，仲拎住個Fendi大袋，真係潮到爆，點睇都唔似50歲！
唔講唔知，原來小紅有個外號叫「美腿紅」！話說佢對腿又瘦又幼，無論點樣為電影增磅，雙腿都唔會肥，令小小So超級羨慕！小紅又好易瘦，有次佢貪靚掛條粗Belt喺條長裙外面，點知因為瘦咗，行行吓條Belt跌埋落腳！不過為咗條靚Belt，佢就用扣針扣住條裙，真係貪靚！