無綫高層涉嫌貪污事件震驚娛樂圈，陳總與其助手叢培崑一直被廉署扣查，連帶相關人物亦逐個被起底 ，包括呂良偉及張敬軒均被踢爆與陳總及其助手叢培崑關係密切。

張敬軒昨日接受電台訪問時表示，對事件感到震驚又遺憾，並希望對方一切安好。對於有傳今次事件與去年在澳門舉行的《翡翠歌星賀台慶》有關，並懷疑有人從歌手歌酬中「食價」，當晚有份演出的軒仔說：「唔知！每個騷錢都係無綫直接同唱片公司結算，唱片公司每月出月結單畀我，不過我交晒畀經理人處理。」他承認於07年演唱會中，與叢培崑合作推出紀念品：「我唔知間公司陳志雲有份，加上係舊經理人同叢培崑傾。」他大讚叢培崑勤力又上進。

拒評「迷雲黨」稱號

問到是否「迷雲黨」？視陳總為良師益友的軒仔說：「我唔評價呢個稱呼，總之陳生好提攜我，之前背負住傳媒壓力都嚟我新成立嘅經理人公司記者會，佢似老師多過高層，係良師益友！」至於無綫昨日禁止記者進入電視城採訪，他說：「咁做算合理同正當做法，佢有呢個權利咁做，始終太多人同部門，都要穩住局面！」

至於呂良偉被指曾與陳總合作開設醫療器材公司，身在內地拍攝《水滸傳》的呂良偉昨日立即否認：「搞錯咗！我係買咗嗰間公司嘅股份，間公司老闆之後又畀咗啲股份佢（陳志雲），但佢好似已經退咗股。（你哋好熟？）又唔係好熟，不過佢好好人，做朋友非常唔錯，希望佢冇事啦！」

此外，有份演出《翡翠歌星賀台慶》的鍾舒漫表示由始至終都「冇收錢」：「唔會計較錢，只係想開開心心做一場騷！（信唔信有人『落格』？）唔知真定假，唔方便評論！（陳志雲畀ICAC拘捕？）都有睇過報道，我覺得佢份人超Nice同冇架子！」