何韻詩：「同佢（陳志雲）唔熟，有次飲醉，陳生坐隔籬，我攬住佢喊！今次唔係圈中首次有類似事件，未有結論唔好妄下判斷！」

肥媽：「賺咁多錢、名利雙收、自己話晒事、話捧邊個就捧邊個嘅人，點會捲入呢啲事入面？（無綫『封城』？）得o架咩？政府都唔可以咁做，等我上網睇住有咩新料先！」

陳爽：「好愕然！我係小人物咩都唔知，公司有同我哋指引，出面接工作要交代。」

戚黛黛：「我唔知『封城』咁嚴重！（同陳志雲熟唔熟？）當年當選港姐高層帶我哋食飯，我多數食完就走，佢好Friendly！」

張繼聰經理人：「我哋覺得無綫係公平，TVB一直都冇Cut阿聰嘅工作，關係一向冇問題，總之TVB一有工作，我哋隨時準備好，之後阿總嘅音樂會，我哋都會獨家畀TVB！」

　　杜汶澤：「剪片剪到今朝，聽到呢個消息都幾震驚，上次見錢國偉已經係英皇十周年嘅澳門騷，大家都有講有笑！（會唔會打畀錢國偉？）依家唔會打畀佢住，因為我都冇佢嘅電話號碼，早兩年自己蒲嘅時候，錢國偉都係腳嚟嘅！」