13/03/2010

播放本新聞相關短片

前總經理何定鈞勸處事要清醒

無綫前總經理何定鈞昨日現身《歡樂今宵》春茗,他說:「我退休五、六年,依家變化多端,但無綫呢件事處理得好好。(有咩寄語陳志雲?)處之泰然!(高層應避忌啲?)人在江湖,身不由己,但處事應該頭腦清醒。」而與陳總素有交情的吳雨則不欲多談:「唔係封嘴,係唔清楚,唔知乜事又調查緊,作為朋友梗擔心,關心就係最好支持。(英皇十周年騷都係錢國偉搞。)交咗畀TVB,TVB安排邊個就邊個。(你當年捲入舞影行動。)過咗去,唔多講。」

此外,現任無綫製作主任(綜藝及體育科)何小慧則說:「今日開咗周五例會,講啲基本嘢。(錢國偉節目點處置?)等何麗全安排,作為同事會唔開心,希望佢冇事!(好易受誘惑?)我唔知點答,但清楚公司指引。(存在利益輸送?)我唔覺,會跟公司程序工作。」而演唱會資深搞手丘亞葵說:「我搞騷好單純,輸贏睇天命,同無綫合作過,純商業交易。(無綫制度有漏洞?)任何機構都可能有漏洞,我同陳志雲好少聯絡,亦冇同叢培崑合作。」