新一季美國新秀歌唱比賽真人騷《一夜成名》逢星期三及四晚在Star World播映，而憑評判一職而出位的Simon Cowell完成今季節目後便離開。
有指Simon與今季新加盟的女同志名嘴艾倫迪珍妮絲不和而離開，他早前接受本報獨家訪問時否認，但坦言不太了解艾倫。而艾倫日前在節目中，坐上Simon大髀攬實錫面證冇不和，但Simon笑言有點不自在。
而傳媒紛紛推測由誰取代Simon的評判位置，有人提議由英國樂隊Oasis前主音Noel Gallagher擔任，Simon即寸嘴說：「你認為觀眾會明白佢講嘢咩？但對監製嚟講係好事，因為佢哋唔怕冇候選人。」