據知Corey大前晚11時半至前日凌晨1時45分，在洛杉磯寓所醒來後表示有感冒徵狀，他下床後暈倒，母親Judy隨即致電報警。Corey在醫護人員趕到時仍然生存，但非常虛弱。Corey由救護車送到醫院後，於凌晨2時15分證實不治。警方在Corey寓所找不到違禁藥，但發現4樽處方藥物，推測Corey是意外服藥過量致死，但其真正死因有待驗屍證實。

其寓所樓下的便利店職員說：「Corey死前一日嚟買食物同煙，精神唔錯。」而Corey去年拍攝電影《American Sunset》時曾接受驗身，拍攝4周期間也遠離毒品。他死前正拍攝電影《The Dead Sea》，曾請監製確保片場沒有毒品，免受引誘。不過，Corey好友爆料說：「Corey因為面對阿媽患癌，壓力太大，所以濫用處方藥物減壓。」Corey死後，其母Judy受訪時說：「佢一直幫緊患癌嘅我，係個乖仔，依家我大受打擊。」

舊愛Victoria傷心

而《捉》片拍檔Corey Feldman在網誌哀悼亡友：「我今朝8點半知好兄弟Corey嘅死訊，隻眼都未開，已經喊咗！」前晚他接受拉利金電視節目訪問時，呼籲大家不要太快下結論：「未清楚就唔好認定Corey係死於吸毒過量，佢近排換咗新嘅戒毒專家，新藥物可能同舊藥物唔協調。」Corey前女友Nicole Eggert在節目中透露大家的關注來得太遲，Corey經理人則說：「佢死前戒毒進程好順利。」又批評救護車20分鐘才到太遲！

據稱，Corey多年沒有聯絡的前女友碧咸嫂Victoria，得悉死訊後大感震驚和傷心！Corey另一前女友兼視星Alyssa Milano亦在網誌致哀。