陳霽平（Maria）早前為某品牌運動器材拍攝廣告，已是第四年為該廣告商拍廣告的她，新一輯廣告中在多個地方不停踩健身單車，包括家居、草地以及沙灘等場景，Maria笑言踩到頭暈暈：「都有少少o架！不過，最難忘都係拍沙灘景，因為拍攝當日好凍，我着嘅運動服又比較性感，所以都幾辛苦，一Cut機就要即刻着番件外套。（有冇病倒？）好彩我都幾健康，不嬲都好少病痛，所以冇乜事。」

在草地做運動的Maria，展現健美一面。

Maria讚男友趙式言身形Fit，毋須減肥。

考慮與男友合作

要着性感運動服拍攝廣告，問Maria有沒有在拍攝前特別Keep Fit？她說：「有呀！之前兩個禮拜都有勁踩健身單車，因為廣告商都送咗部畀我。（會唔會送部健身單車畀醫生男友趙式言呀？）冇呀！佢咁瘦，等佢中年發福先啦！」Maria除了為廣告任女主角外，原來還擔任了廣告策劃，無論場景、服裝以及髮型設計都由她一手包辦！她揚言一向都很喜歡演藝工作，無論幕前幕後都有興趣，尤其對電視節目創作最感興趣，問她可會考慮跟男友合作搞一些醫療節目，她說：「呢個都係幾好嘅提議，可以考慮喎！」