寰宇新人徐正曦曾與江若琳合演內地電視劇《男兒本色》，早前他趁着工作空檔，返上海休息，怎料遇上扒手，幸好醒目的徐正曦及時發覺，極速追截扒手奪回銀包：「當時我個銀包放喺後褲袋，突然覺得褲袋輕咗，一摸就知畀人扒咗銀包，我咪即刻追上去，最後都追得番，攞番個銀包！」同事得知他瞓身追賊，都很擔心其人身安全，但他揚言一點也不怕。
問到在上海有沒有艷遇時，徐正曦說：「今次冇，不過好耐之前有試過，有個女仔突然衝入卡拉OK房，攞起我部手提電話打畀自己，咁樣就攞咗我個電話號碼！之後我哋做咗朋友有講電話！不過冇發展成情侶。」
