當年在唱歌比賽被現任經理人張丹（Tan）賞識的G.E.M.，近年在樂壇愈戰愈勇，出道短短日子已贏得不少獎項。最近她的唱片公司舉行網上唱歌選拔賽，除了老闆張丹與外籍音樂總監Lupo Groining細心精選，她亦有份「過目」，G.E.M.直言期待榮升「師姐」，更鎖定目標是型男，屆時可以與靚仔師弟以螢幕情侶唱歌！

G.E.M.希望師弟可以似緋聞男友陳偉霆般靚仔。

外籍音樂總監Lupo（左起）、G.E.M.及張丹嚴選新人。

閉關作曲6月闖美

問到選師弟的條件，G.E.M.第一句便說：「梗 係最好係靚仔啦！其實有好多人好有才能，把聲又好靚，但做唔做到歌手，係要睇本身嘅性格，要好似我唔怕醜又玩得。（好似陳偉霆咁靚仔？）哈哈！都好！到時唱情歌可以投入啲。」至於監製Lupo表示，心目中理想的新人最緊要靚聲，而且聲音夠獨特。

而一手提拔G.E.M.闖樂壇的張丹，揚言簽新人貴精不貴多：「我哋唔會好似其他公司咁，每年簽一大班人，但好多人都只係坐冷板櫈，我哋想專心咁培育幾個就夠！」他亦透露G.E.M.目前主要在家中閉關作曲，並將於6月到美國錄歌。