娛樂圈競爭激烈，剛轉投新公司的Charmaine，有感不再是新人，為了求變，決意改行性感路線，配合新歌刺激粉絲視覺，早前為新歌拍了一輯性感相，令人刮目相看！Charmaine說：「我覺得有好嘢同大家分享冇所謂，如果肥咗就要收埋！」她自言雖然男仔頭，但平日相當注意護膚，閒時會做磨沙：「講到美容心得，我覺得最緊要飲多啲水，同埋沖完涼記住搽Lotion。」

方皓玟以大露背上陣，予人豁出去的感覺！	方皓玟去年已低胸拍唱片封面，今年將底線再降低！	放大圖片

刻意剝Bra瞓

拍攝當日，Charmaine只用一塊布遮着胸前重要位置，將整個玉背暴露人前，效果震撼！問到拍攝時有沒有清場？她說：「有！不過唔係自己要求，工作人員好細心！」她坦言為了有更好效果，拍攝前一晚刻意不戴Bra睡覺：「我唔想有Bra帶印嘛！細個媽咪已經教我瞓覺一定要戴Bra，所以嗰晚冇戴覺得周身唔聚財！」

為防走光，Charmaine拍攝當日黐了乳貼：「當日我冇戴Bra，要真空上陣，希望影出嚟啲相靚啲啦！（滿唔滿意自己嘅身材？）OK o架！做人唔好咁貪心，雖然我冇周秀娜咁勁，不過都叫正常！當然如果可以高多幾吋就最好啦！哈哈！」