武打影星甄子丹獲杜莎夫人蠟像館邀請，以「葉問」造型進駐蠟像館，更專程派員由英國飛往上海，為正趕拍《葉問2》的甄子丹度身，蠟像下月底揭幕。單是度身已花6小時，確保其頭髮、牙齒及眼睛顏色等細節達至完美，他說：「初時以為好簡單，原來佢哋用一種幾百年傳落嚟嘅方法去做，好期待，想睇吓似唔似！」

放大圖片	蠟像館專程派員由英國飛往上海為甄子丹度身。	甄子丹慶幸遇上《葉問》，令他有一部代表作。

代表作可遇不可求

甄子丹表示待蠟像面世後，必定會帶太太及子女前來欣賞，他說：「可以叫好耐冇見嘅朋友、Fans、甚至老婆多啲嚟同蠟像傾偈。」他直言能進駐蠟像館，證明葉問角色深入民心，問到有否吐氣揚眉的感覺，他說：「《葉問》令我多咗好多朋友、片約同片酬！一個演員做成功個角色，唔單止改變人、仲改變自己，《葉問》係我嘅代表作，好多成功演員都有代表作，講起李連杰大家會諗到《黃飛鴻》、周潤發會諗到《英雄本色》，我好幸運有《葉問》！」

他透露將飛往內地拍新片《關雲長》，更要增肥扮演角色：「演葉問要減肥，拍《錦衣衛》同呢部要增肥，做演員唔容易，好在我大隻，食多啲嘢好快脹番。」