舒淇昨日出席施華洛世奇水晶品牌活動，特別穿上藍色透視裙配合主題，戴上多款水晶首飾的她，於舞蹈員襯托下出場，心情大靚的她表示，向來愛收藏水晶擺設，包括水晶魚、豹、雀仔及紅酒杯等，但基於香港的家只屬「過境之地」，所以她將所有珍藏品擺放在台灣的家中。談到舊愛黎明忘記與樂基兒結婚兩周年的日子，問到黎明是否冇心肝，舒淇冷淡地說：「人哋啲嘢，唔使回應！（佢以前係咪一樣冇心肝？）‥‥‥有冇下個問題？」

全屋閃令令

自認是水晶迷的舒淇，最愛將水晶貼滿台灣家中物品，連對講機也不放過，舒淇說：「返到屋企，睇到閃令令嘅嘢會好開心，感覺又活潑啲喎！」問到有否獲男友送贈水晶或鑽石？她直認不諱說：「兩樣都有嘅。（分咗手會唔會掉？）唔會，我好少拎啲鑽石出嚟，多數放保險箱，因為我戴戴吓都會唔見，好似去洗手間咁，出嚟就唔見咗，所以跟住我後面，好易執到寶。」