楊千嬅與余文樂最近於新片《志明與春嬌》中合演情侶，早前被導演彭浩翔安排到時鐘酒店拍攝「爆房」場面，二人乘機四圍參觀，還夾計整蠱顧客，千嬅笑說：「入去幫襯嘅都好鬼祟！酒店會幫佢哋用車冚遮車，不過啲客好似好驚畀人認得咁，行路永遠垂低頭，我哋咪係咁望囉！」而樂仔則到水床房見識，問到觀後感如何？他說：「唔敢親身體驗，好驚爆！」
除了床戲外，片中亦不乏抽煙戲，當中涉及粗口對白更被列為三級片，不過樂仔說：「戲入面嘅粗口對白都係講笑咁，如果為咗變ⅡB級而剪走，我覺得意思會唔同晒！」樂仔更試過為新片日抽10包煙，印象難忘：「千嬅平時唔食，要拍食煙戲就慘，不斷『扯蝦』！」千嬅則說：「好辛苦，好似夢遊仙境咁！」
