文　杰：暫定4月1號再出碟，一定會加入新曲風嘅歌！

小小So：仲係唔收錢？邊度有收入呀？

麗　文：記者朋友對我哋嘅報道已經係我哋嘅收入！講到錢，出埋呢隻的確已經用晒我哋嘅資金！

小小So：咁點算呀？

文　杰：希望快啲搵到好歸宿囉！一直有唱片公司傾緊，不過想考慮清楚！

麗　文：大原則係以音樂行先，要夠健康！

小小So：如果要你哋分開呢？

麗　文：真係有人問過，不過第一年以組合方式同哥哥一齊返工，好開心呀！

小小So：除咗出席活動，仲有咩收益先？

文　杰：都有歌手搵緊我作曲，至於係邊個就賣個關子先！

文杰講啲又唔講啲，識得保持神秘感，果然係做慣主持，識得吊小小So癮！