容祖兒：事件喺調查中不予評論，唔知陳志雲開設製作公司，但希望陳生冇事！（監製錢國偉同時被捕？）上星期喺英皇十周年先見過佢。

陳奕迅：最近忙緊演唱會，識咗陳志雲好耐希望佢冇事，我冇SMS佢，希望件事快啲過去！識咗錢國偉好耐，希望佢冇事！我演唱會嘅紀念品冇同陳志雲間製作公司合作，演唱會監製亦唔係錢國偉。

張智霖：唔清楚，同陳生唔熟，希望佢吉人天相。我相信佢係好人，所以覺得大家應收聲當幫忙，呢個嚴肅問題，唔係小朋友應該評論。

陳樂榣@Freeze：睇到報道好驚訝，想知發生咩事，依家未正式交代唔評論！陳志雲好好人，仲有幫我同羽翹影過Snap Shot，冇聽過佢貪污。

無綫藝員邱頌兒：唔清楚件事，好少機會接觸佢哋，應該都唔會影響到公司運作嘅，唔會太擔心。

鄧麗欣：07年演唱會紀念產品是找Edthancy（叢培崑），因為私下認識佢，但唔知佢開設嘅公司陳志雲都有份。

官恩娜：我有上過錢國偉監製嘅節目，不過就唔係好清楚呢件事，相信當局會有適當嘅處理。依家唔好打擾佢。

原子鏸：邊個係陳志雲？我只係簽過一年，又好少睇電視同報紙，都唔知成件事係點。

黃宇詩：唔清楚件事，不過陳生平時冇架子，對人好好！（信唔信？）唔知，冇評語，相信咁大間公司會有運作方法。