無綫總經理陳志雲向來對旗下藝人照顧有加，不少人因此成為名下愛將，除了為人熟悉的崔建邦外，鄧健泓亦得到大力提攜。對於「伯樂」陳志雲被捕，鄧健泓說：「唔係好清楚，我都唔方便講，我冇打電話畀佢，但有SMS慰問！（擔心？）當然啦！佢係我伯樂同師傅，當然擔心！希望佢冇事！總之自己工作如常！」問到會否因此變成孤兒仔？他說：「都唔係！我係TVB員工，工作係TVB安排，當年都係佢搵番我返TVB！」
另一位愛將張繼聰對陳志雲被捕，顯得煞有介事的說：「我有聽同事講過，不過牽涉入調查，我都係唔回應太多！」問到會否影響在無綫的工作？他說：「唔會！始終我係靠自己努力，總之多謝咁多人提攜我！」昨晚他睇騷時仍不願評論事件：「陳生件事不便評論，但好感激佢同無綫畀我機會，無綫等於一個大球會，旗下有好多出色球員，每個都想做正選，自己冇所謂，因自己做好準備，有機會落場就會踢好場波。」問到陳志雲為人如何？被指是愛將的他，竟表示與陳生接觸不多，但覺得對方是很有禮貌的前輩。
而應屆視帝黎耀祥顯然置身事外：「公司冇特別通知我哋，我都係睇新聞先知，最近喺公司好少見陳總，上次已經係過年前嘅新書發布會，當時佢冇乜異樣！」他暫不會致電對方，卻感到擔心。對於有傳事件跟收受利益有關，祥仔說：「咁我又唔知，呢排咁多風風雨雨，大家畀啲時間等雨過天青啦！」而崔建邦前女友唐詩詠對事件感到愕然：「好擔心，最好回應方法就係唔回應！」