★諸葛梓岐★
諸葛梓岐（Marie）和陳法拉兩位「薛家準新抱」鬧不和，談到法拉時，Marie沒好氣地說：「你哋去麥當勞都唔會買肯德基嘅嘢啦！我同佢冇唔啱，但我唔回應佢嘅嘢。」
解讀：用「炸雞」形容死敵，火藥味咁濃，話冇唔啱都幾難有人信啦！
★Baby★
有傳黃曉明秘密來港為緋聞女友Angelababy賀生日，Baby否認：「冇！佢冇打電話畀我，冇接觸。（生日唔可以講大話！）今日唔係我生日。」
解讀：咁即係「冇接觸」未必係真話嚟啦！啱啱萌芽嘅愛情係需要保護嘅，放心，我哋明白嘅！
★鄧紫棋★
鄧紫棋（G.E.M.）將與側田拍攝MV，被問到親熱底線時，G.E.M.搞笑地說：「只要唔係濕吻，『樓下』都得，即係拖手同攬。（床上戲？）唔得，嗰啲係『樓上』。」
解讀：將「樓上」同「樓下」分得咁清楚，咁就唔會咁易蝕底啦！
★Leon★
兩杯落肚的黎明（Leon）在電影公司春茗抽獎時，笑老闆朋友出手五千元孤寒，聲稱要加碼：「我同甄子丹一文一武，一人出一千，分20次抽，我份人知慳識儉，抽中100蚊都開心嘅就係好人！」
解讀：黎天王又一金句，可惜今次齋講唔做，令台下空歡喜一場。
★張學友★
張學友與張可頤在新片中將有床戲，問到會否效法梁朝偉和湯唯在《色，戒》中的大膽演出，學友漏口說：「我冇、冇、冇！（冇乜嘢？）冇身形又冇膽。（你有膽，老婆都唔畀？）我老婆又唔會口頭唔畀，個心唔畀啫！」
解讀：學友係好男人眾所周知，但唔使驚到口窒？
★李玟★
李玟（圖左）身穿低胸裙出席餐舞會，竟與「天王嫂」熊黛林撞裙，被要求脫下皮草合照時，為免輸胸的她婉拒說：「唔好喇！我想Keep Warm！」
解讀：女星出名愛靚唔愛命o架喎！李玟係咪真係為咗Keep Warm先？
★吳君如★
吳君如主演的《歲月神偷》與另一半陳可辛的《十月圍城》將在金像獎中打對台，問到會否擔心爭獎傷感情？她笑說：「佢都冇女主角提名！唔怕！」
解讀：講得啱，你攞最佳女主角，老公陳可辛攞最佳電影就Perfect啦！