繼早年日本流行「辣妹109系」及「大眼裝」熱潮後，最近東京火速冒起森林女孩裝束，她們的打扮別樹一幟，散發女生獨有的優雅氣質，感覺自然可喜！「日本通」鄭家輝教HotCha變身森林女孩：「雖然森林女孩感覺舒服又簡潔，不過披搭方法唔簡單，可以從配搭中睇到個人品味！質料上，有新同舊嘅配搭，棉布、麻質同喱士係主要材料，層次方面要簡潔得嚟又要有比例，可以用少量飾物配襯，木材同具有民族色彩元素嘅配飾都OK，不過禁放名牌上身，閃石同珠片都可免則免！」森林女孩思想獨立，鍾情北歐風格，跟「港女」相反。

杏色冷外套$860 米色麻質長袖上衣$460 杏色麻質連身褲$680	淺啡色短袖上衫 $1,288 杏色麻質半截裙 $720	淺藍色長袖上衫 $588 米白色半截冷裙 $928

感覺恍如白日夢

向來以活潑運動裝示人的HotCha，變身森林女孩，形象耳目一新，Winkie說：「之前喺雜誌留意到呢類時裝，不過就唔知有森林女孩呢個稱號！我未試過着得咁素色，感覺真係好清新！如果有歌配合到，我哋都可以試吓咁着！」而可愛的Regen笑說：「我平時咁男仔頭，突然間所有少女氣質都返晒嚟，可以呃得吓人！」身邊的Crystal則笑言，森林女孩的神情與她平日發白日夢的時候非常相似。