昨日周柏豪到電台宣傳新歌，問到新年有否到緋聞女友「翻版徐子淇」鍾浠文（Zelia）家拜年，他說：「佢新年返咗上海。」並自爆日前與Zelia食飯：「我哋住得好近，好多時都會食飯同車佢返屋企！（有機會發展？）唔會講冇！怕突然一齊會畀人鬧講大話！（父母見過Zelia？）喺公開活動見過，仲讚佢靚女！」早前Zelia曾穿比堅尼擔任林峯演唱會舞蹈員，柏豪大讚：「有本錢唔好收埋。（畀人睇晒唔心痛？）好嘢應該畀人睇！」