前晚林莉以谷胸婚紗Look拍攝廣告，期間左邊曾露出胸墊，她說：「我上圍平時34B，為咗今次廣告特登做足準備，浸咗十日牛奶浴，又不停做運動，等皮膚Keep喺最佳狀態！」問到如此落力是否酬勞很吸引，她說：「今次係續約，酬勞有加碼，6位數字嘅中間位，我上一次都性感o架！（上圍升咗Cup變警鐘胸？）我有加Pad，而且幾個月前有朋友教我按摩胸部，我見佢身材真係好咗，我都有試。試咗之後，以前啲Bra真係變得窄咗！（要買新Bra？）我每年都會買兩次Bra，每次買十個、八個，花費大約三、四千蚊。」

有工作人員送上鮮花，預祝林莉拍攝順利。

穿上婚紗拍攝的林莉翹着男模，場面溫馨。

恨代言護膚品

林莉透露是次廣告會穿婚紗及以剛睡醒的表情示人，要給觀眾感受到幸福及甜蜜，她更表示與美容院合作愉快，希望能長期合作：「我最想拍服裝、護膚品、鞋同化妝品廣告，因為呢類廣告拍得好靚，可以係我嘅代表作！（叫公司爭取？）佢哋好努力咁幫我Sell。」