楊千嬅與余文樂昨日以電影《志明與春嬌》代表身份出席活動，千嬅透露片中有不少橋段似曾相識，包括與樂仔發展姊弟戀，以及監察另一半行蹤等，當中一場傳手機短訊戲份，她拍攝時也照辦煮碗傳給老公丁子高，可惜對方不明所以，還致電向她問個究竟，她說：「有場戲，我將『i miss you』倒轉嚟傳短訊，點知老公問係咪怪獸字，又問我喺邊度學番嚟，不過咁都好，證明佢未用過。」
至於樂仔在活動上被千嬅踢爆鍾情外籍女性，他即作出否認，並表示為人傳統，只對中國女性有興趣，但不抗拒姊弟戀，他說：「大過我唔係問題，以前嘅女友全部都大過我。（黃伊汶都係？）大過……大過咩呀？」樂仔又承認可能因「戀母情意結」作祟：「我諗我有少少戀母感覺，鍾意大過我嘅女仔，係因為照顧到我，不過頂多大一個生肖。」