應屆港姐最上鏡小姐袁嘉敏（Candy），入行前跟過陳可辛做發行主任，試過有一排忙住宣傳《十月圍城》，陳可辛鍾意夜晚12點開會，貪夜晚夠靜集中啲！Candy同小小So講最難忘係有一次要自己運成幾十箱戲服返香港！
小小So：你自己返內地唔驚咩？
Candy：驚o架！不過好彩去到有人接，嗰次我要幫手運成80幾箱戲服返香港展覽！
小小So：有冇咁多戲服呀？
Candy：李連杰喺套戲着住件3、40磅嘅盔甲，真係唔明點解佢着住件咁重嘅衫都跑得郁！
小小So：原來你份工要返內地做嘢？
Candy：係呀！嗰時北京好凍，得零下5度左右，本來我諗住去北京Office長駐，不過諗諗吓又唔想一個人去到咁遠！
Candy入行前嘅工作都幾多姿多采，佢仲笑住話如果第時要轉行，都可以考慮做傳媒工作喎！