賭王何鴻燊前日出院，返回淺水灣道一號大宅休養，四房紛紛出動以冧招氹他，不過二房孻女何超儀與丈夫陳子聰卻未有露面，昨日超儀乘保母車兩度經過大宅，均過門而不入。
昨午四時許，超儀乘保母車到達大宅門口，當見到大批傳媒聚集後，刻意迴避鏡頭，而座駕未有駛入大宅便離開。相隔不足十分鐘，超儀的座駕再次駛到大宅前，但同樣未有進內便絕塵而去。
至於四房的女兒超盈及超欣則如常探望賭王，超盈透過電話表示昨日陪伴賭王重溫愛駒「爆料」奪標的片段：「爹哋好開心，佢話雙喜臨門，不過我哋全家都冇買馬。」對於前日的出院安排，賭王感到滿意，超盈亦大讚：「屋企人好叻，安排得好好，好成功。」前日帶同氣球及熊公仔送給賭王的她，稍後會自製甜品梳乎厘，認真乖女。提到三房女兒超蓮帶男友探賭王，問到會否照做？她說：「男友未返香港，等佢返嚟先啦！」