鍾舒漫、洪卓立及周家蔚等昨晨為《滙豐博愛單車百萬行》擔任起步嘉賓，雖然寒流襲港，但眾人為了慈善活動，起床動力油然而生，Sherman更化上靚妝上陣，精神奕奕。兒時粗魯的Sherman自爆愛與男仔踩單車：「喺外國讀書試過炒車，仲畀車撞到架單車甩轆，當時第一個反應係即刻掩面，好彩冇毀容咋！大個咗學化妝後，更加唔敢踩！」戴上眼鏡的洪卓立則表示，童年時曾獲爸爸送四輪單車，結果被女同學取笑：「因為自尊心作祟，我好快就學識踩兩個轆！」

仁美清敍代表李妮（左起）、筱靖、姚佳雯、張家瑩及顏子菲齊齊出席活動。

周家蔚戴上頭盔踩單車，造型可愛。

筱靖祝福黃澤鋒

此外，由亞姐組成的「仁美清敍」，成員李妮、筱靖和宮雪花等亦有參加活動。曾傳與黃澤鋒拍拖的筱靖表示知道對方結婚，並送上祝福：「佢冇請我，我亦冇同佢拍拖，大家好耐冇聯絡，但祝佢白頭到老！」對於近日亞視股權變動，李妮希望雙方以和為貴。