羅凱珊（Kama）乃去年首位躋身Tokyo Girls Collection（TGC）的本地模，沒料到一年過後，昔日拍檔楊穎（Angelababy）、周秀娜及諸葛梓岐繼續往東京行騷，她卻冇影。昨日谷胸上陣的她，「事業線」表露無遺，再加短褲騷長腿，引來不少龍友拍照。剛從台灣返港的Kama透露在當地抱恙，由於每次出埠總會患病，經母親勸告後決定返港發展，對於曾有份行TGC騷的她今次冇影，Kama說：「冇呀！我冇同嗰邊經理人聯絡。（驚唔驚畀人話你飛出局？）唔會，聽到呢個騷有港模去都好開心。（你係第一個去喎！會唔會唔開心？）咁要繼續努力，都唔會失望。（同日本有冇約？）唔知簽咗幾耐，當時係公司傾，我只係畫隻龜上去，不過暫時唔會去日本住。」