藝人雖表面風光，但背後亦有不少辛酸，不足為外人道。03年入行的李詩韻坦言，做藝人最慘就是沒有人身自由，連拍拖等簡單事亦要偷偷摸摸，認真「藝人唔易做」。

李詩韻認為藝人最大辛酸是犧牲私生活：「好似拍拖咁，唔可以拖手、唔可以出街，就算出街拍拖，無時無刻要顧及周圍情況，留意有冇狗仔隊，喺公眾場所又要時刻警惕自己，唔可以有太多動作同表情。最慘有時同朋友、家人出街都會畀人影，跟住就亂咁寫，影響到家人同朋友，好似連累咗身邊人咁。」

開工不定時冇覺好瞓

做藝人除了要犧牲私生活外，李詩韻認為休息時間少，也是藝人辛酸的一面，她說：「其實我好爛瞓，但做藝人工作唔定時，而且拍劇時間好趕，經常捱夜開工，有時仲凌晨先收工，但過幾個鐘頭又開工，返屋企沖個涼又要開工，瞓都冇得瞓，啲皮膚都差啲！」