容祖兒前晚穿上Harvey Nichols黑色Tee，率領一班師弟妹鍾舒漫（Sherman）、陳偉霆（William）、洪杰及洪卓立為明日舉行的音樂會綵排。五人先綵排祖兒的歌曲《越唱越強》，抵死的祖兒唱罷即講有味笑話：「呢首歌愈唱愈長呀！William最鍾意！」身旁的William即尷尬地說：「係呀！我想啲頭髮愈嚟愈長。」

容祖兒帶領師弟妹舉杯，預祝音樂會順利完成。	祖兒綵排時擺陳偉霆上枱，大講有味笑話。	祖兒穿上Harvey Nichols黑色Tee配黑超綵排，潮爆全場。

自爆有人求婚

綵排期間，祖兒自爆有男士致電其唱片公司，要求與她結婚，問到有否發展機會？她說：「唔好逼我徵婚！（戥你心急！）我明，知道大家好錫我。（擇偶條件？）外表睇得好輕，最緊要係相處。（容媽媽有冇安排你相睇？）驚鍾意咗我阿媽，佢咁溫柔、體貼同似女人。（母女一齊徵婚？）啋！搞到我哋好似『籮底橙』，我哋貴精不貴多。」

另外，Sherman透露將與祖兒合唱《給自己的信》：「因為要彈鋼琴，所以有啲緊張，加上合唱同獨唱版本唔同。」而洪卓立表示早前出席澳門舉行的音樂會後，一大班人拉隊落賭場碰運氣：「聽到身邊人大叫『贏就贏、輸就輸，大家一拍兩散』，所以就揀咗唱呢首《一拍兩散》囉！」