去年底香港o靚界女神楊穎（Angelababy）初登日本花生騷Tokyo Girls Collection（TGC），火速成為焦點，獲厚愛穿着五套新裝行騷，更被封「香港女神」。剛於周三飛抵橫濱的她揚言心情輕鬆「零」壓力，只是早前工作太忙，身心疲倦，故品嘗特色美食後，即到美容院做Spa及腳部按摩。

Angelababy再到日本行騷，趁機去歎腳底按摩，輕鬆一番。	周秀娜在浴室做腳部護理。	諸葛梓岐往日本前，昨日仍在香港出席活動。

寸「109」似旺角貨唔襟着

其實加盟日本avex後的Baby長駐當地，加上出騷經驗豐富，難怪出騷前夕還風騷遊名店林立的表參道：「我唔想再着109（日本街頭潮服集中地）啲衫，好似旺角衫，着得一季，唔襟。」據知，Baby今日在TGC獲安排穿四套時裝及一套和服，是唯一一位香港女模穿和服行騷，並已落實年底再到沖繩為TGC行騷。

至於周秀娜（Chrissie）眼見Baby攻日成功升呢，她昨晨六時亦已空降東京，而行李箱載滿護膚品、化妝品、乳貼、Nude Bra及大眼仔等扮靚用品，還有手提電腦及日語課本，她說：「呢幾日會接觸好多人，所以要惡補日語。」雖然她今日只會穿一套衫行騷，但仍抽空為美腿做磨沙及按摩，希望42吋長腿發揮魅力。而她代言的「龍online」昨日發表其噴血廣告造型照，為Chrissie隔岸助威。

諸葛老定僅帶公仔陪瞓

同樣第二度登陸TGC的諸葛梓岐，昨午還在港為莎莎活動做模特兒，她表示連行李都未執，晚上才搭機往日本。她輕鬆地說：「冇咩要預備，大會準備好，我只係帶個毛公仔過去陪我瞓。」對於男友薛嘉麟的Neway傳收購加州紅，她拒絕回應，只笑說：「我都鍾意唱K嘅。」