傳翻撻Amigo的唐詩詠，昨晨為無綫拍攝資訊節目，未有到法庭旁聽，她說：「我唔方便回應Amigo嘅嘢。（擔心？）畀啲空間佢啦！」而鄺敏慧自上月9日赴日工作後，至今還未返港，其經理人Frankie表示案件已進入司法程序，不作回應。
至於無綫高層陳志雲昨日接受電台訪問時說：「我尋日同今日都打過畀佢，佢問我除唔除口罩好，我叫佢有信心就除，唔好閃縮，要堂堂正正行入去，只要良心冇嘢就得。」他表示Amigo將於本月26日啟程往非洲作慈善探訪，下月20日返港。另一高層樂易玲則表示，如有合適工作，會為Amigo安排。
另外，與陳志雲私交甚篤的「奇女子」狄娜，大讚Amigo是司儀人才，認為他不認罪有其道理：「外間覺得案件影響佢前途，但我唔係咁睇，在乎佢處理得好唔好。（點先叫好？）對法庭一百個尊重，做人要坦白，佢喺庭上都做到啦！」