米雪前晚身穿黑色服裝出席無綫新劇《女人最痛》煞科，同場還有張可頤、滕麗名及馬德鐘等。上月中痛失摯愛尹志強的米雪，雖拒絕受訪，但心情輕鬆，更與台前幕後有講有笑，似乎已漸漸走出陰霾。
而張可頤和滕麗名表示劇組對米雪錫到爆，可頤透露陳寶珠母親宮粉紅不幸逝世當日，剛巧她與米雪在化妝間看到新聞報道：「我拍咗米雪膊頭一下，讚佢同寶珠姐一樣咁堅強同專業。其實米雪EQ好高，所有演員都好錫佢，當時佢有事，我都寫咗張心意卡畀佢。」滕麗名亦給予米雪精神上的支持，她說：「第一日開工我畀咗吓擁抱佢，其實米雪AQ同EQ都超勁，佢反而擔心我哋擔心佢！件事發生咗之後，我未見過佢喊！」
