港姐呂慧儀、張嘉兒、劉倩婷和李姿敏等，昨日出席《香港國際七人欖球賽2010》活動。呂慧儀玩欖球遊戲時不顧儀態，玩到瞓地，事後她表示求學時對欖球賽制已略知一二：「當時有玩過。（同男定女玩？）梗係女仔啦！男仔體魄好強健，點夠佢哋玩？（玩欖球好多碰撞！）冇所謂，我玩開籃球同排球，但第一次喺草地玩欖球，場地濕滑，頭先都唔小心跣親。」談到寧波型仔乞丐「犀利哥」熱爆網絡，被讚有做模特兒的潛質，呂慧儀透露也有為模特兒學生鋪橋搭路，但因每人興趣不同，故採取順其自然的態度。