由年初開始，王菲復出之聲傳得鬧哄哄，繼為電影《孔子》演唱主題曲後，又在剛過去的春晚舞台上獻唱《傳奇》，積極為復出鋪路。直至昨日又有內地報道指，王菲經理人陳家瑛向內地傳媒透露，王菲今年10月會假北京及上海各舉行十場復出演唱會，首場選址在北京奧體中心體育館舉行，但該場地僅能容納五千名觀眾。

揀細場非擔心票房

對於選擇細小場地，陳家瑛在訪問中說：「場地唔係好大，係室內嘅，主辦單位考慮後決定先喺呢度舉行，王菲亦好鍾意呢個場館，但並唔係擔心票房唔好先揀呢度！」而報道又指王菲會在四月底或五月初在北京舉辦記者會，宣布個唱詳情。

據知王菲暫時沒有計劃來港開個唱，但今次內地的復出個唱每場歌酬便高達650萬元，其中50萬元會捐給兩夫婦旗下的「嫣然天使基金」，20場合共1千萬元。

記者就王菲10月復出開個唱向陳家瑛求證，她在電話中皆否認：「我冇接受過內地任何報章訪問，網上嘅消息唔好信，有咩消息都要等主辦單位自己發布！」至於王菲是否每場捐50萬元歌酬到「嫣然天使基金」？陳家瑛說：「有冇都係阿菲自己嘅事，我唔可以代答！」