歐陽震華（Bobby）、林峯及楊怡等昨日出席新劇《不速之約》開鏡拜神，一臉疲態的林峯表示，前晚與楊千嬅拍攝《Perfect Wedding》一場咀戲，問到千嬅老公丁子高有否監場？林峯說：「我之前都有諗過，佢最好唔好監場，唔係我會好緊張，好彩最後都冇啫！（咀戲激情？）真係多謝監製鄭丹瑞，除咗千嬅，同周秀娜都有場親吻戲！」
至於早前有指楊怡拍劇時經常NG，令Bobby黑面，昨日二人甫見面即針鋒相對，Bobby說：「楊怡變咗，佢成日自言自語。」楊怡聞言後即反擊：「係你冇畀反應我！」對於有指楊怡令他黑面，Bobby說：「呢啲都唔使解釋，唔會理呢啲嘢！」楊怡則指着Bobby笑說：「最衰都係你，我一向都冇呢啲新聞，一拍你就有！」問到楊怡可有經常被Bobby的爆肚令她NG？她說：「咁佢又冇喺拍劇時專登爆肚，只係試過有時停機一齊講笑，而突然Roll機時情緒未番到嚟，都有NG，不過唔係狂NG！」