04/03/2010

播放本新聞相關短片

陳嘉容最愛玫瑰花戒指

名模陳嘉容(Eunis)出道多年,有一班忠實擁躉,對於這班Fans,Eunis心存感激:「佢哋對我好好,無論打風落雨都會嚟支持我,係我嘅精神支持。」Eunis愛好扮靚,在任何大、小場合都會悉心打扮,愛以不同類型首飾配襯,難怪她家中的首飾多不勝數:「我鍾意首飾係因為可以美化一身造型!」

當中亦有不少是由Fans所贈,而她手指上的玫瑰花戒指,是Fans禮物中最愛之一:「我以前唔鍾意玫瑰花,只係鍾意太陽花,因為有一種開心感覺,但我21歲時,初戀男友就好鍾意玫瑰花,慢慢就畀佢感染,愈嚟愈鍾意玫瑰花,以前覺得紅玫瑰好『娘』,依家就覺得好靚,我仲好鍾意粉紅色玫瑰花添!」Eunis也獨愛玫瑰花的味道:「香水同Lotion都要玫瑰花味,覺得好浪漫。」

劉慰思