昨日Kelly身穿價值16,400元的ESCADA火紅色長裙，以代言人身份出席瑞士依波路錶簽約儀式，造型高貴亮麗。由於裙襬太長，Kelly落樓梯時顯得步步為營。

席間，Kelly大談與丈夫Alex的浪漫情史時已眼泛淚光，後來播出結婚及愛兒劉昇（蝦餃仔）的照片，Kelly終於忍不住落淚，又自爆浪漫時刻：「老公會喺屋企擁抱我，又會講『I Miss You』。」她表示早知大會會播片，一早已有心理準備，講到和Alex相處的點滴時尚能忍住眼淚，但見到可愛蝦餃仔時實在「忍無可忍」，她說：「真係殺個措手不及！」

Kelly和蝦餃仔愛到難捨難離，即將返內地宣傳國語專輯的她，揚言為免心掛掛，她寧願頻撲一點中、港兩邊走，每有空檔必會趕回家見愛兒，問到會否透過視像會議見家人？Kelly說：「佢唔識講嘢嘛！點餵佢飲奶呀？」

怕兒子學行撞親

提到剛過去的農曆新年，她表示蝦餃仔是最大情人，情人節都是和囝囝過，雖然她想攬住蝦餃仔入睡，但屬「緊張大師」的她，感覺到囝囝郁便會醒，故難以安睡。Kelly又透露蝦餃仔已開始學行，為免囝囝通屋撞而受傷，Alex親手為所有家具加上防撞棉，雖令安樂窩變得「核突」，但Kelly仍大讚此舉「好浪漫」。