04/03/2010

播放本新聞相關短片

米雪笑住開工延續尹佬精神

米雪失去摯愛尹志強,惟有寄情工作,昨日她繼續投入拍攝《女人最痛》,期間見她有說有笑,偶爾亦有神情恍惚之時,雖然她不接受訪問,仍保持笑容,連身旁的滕麗名也佩服其專業。米雪今日將為《女》劇完成最後一日戲份,晚上出席煞科宴,但她已事先聲明不接受訪問,相信其後她可全心全意準備尹佬的追思會。

至於曾志偉出席香港電影評論學會頒獎禮時透露,尹佬追思會將於15到19其中一日舉行,他說:「我哋想喺大球場,可惜要舉行七人欖球賽,我哋搵南華會,呢度始終都係尹佬出身之地,可惜冇大屏幕,我哋又擔心天雨,所以新伊館都有睇過。」問到有否與米雪商量?他說:「有!佢講咗好多尹佬生前諗法,佢唔鍾意朋友傷心,所以追思會想啲球迷同朋友都開開心心,米雪依家心情OK。」