黃金組合Twins將於下月16日及17日假紅館舉行《Twins人人彈起2010演唱會》，外界反應熱烈，內部認購火速爆滿！除了演唱會外，據知不少廣告客戶及影視投資者紛紛招手，有人曾出動1,500萬元邀請她們拍電視劇，惟要騰出60日檔期拍攝，可惜她們工作不斷，最後度不到期而婉拒！經理人霍汶希（Mani）坦承：「除咗電視劇，亦有唔少廣告商搵佢哋拍食品、洗頭水同個人產品廣告，有人出動8位數字酬勞，不過佢哋各自有廣告代言緊，仲未完約，至今未成事！（電影？）不停有劇本搵Twins拍，不過未揀啱心水！」

亞洲首個彈起舞台

Twins昨日以Rock n Roll打扮出席演唱會記者會，大會安排孖妹坐在掛上「TWINS」車牌的跑車亮相，數十名歌迷高舉旗幟及燈牌造勢！出道9年、認識10年的Twins默契依舊，蔡卓妍（阿Sa）及鍾欣桐（阿嬌）甫進場即獻唱金曲。阿Sa表示搖滾造型寓意Twins與Rock n Roll一樣Never Die（永遠不死），又預告演唱會將有全亞洲首個彈起的舞台。

孖妹再度開騷，吸引不少老友捧場，阿Sa透露容祖兒會睇足兩場：「邊個歌手嚟就拉邊個上嚟，呼籲佢哋化少少妝同Set頭！」問阿Sa會否安排Ronald（鄭中基）不坐山頂位？阿嬌即搶答：「Ronald Ng（伍樂城）呀？（鄭中基呀！）我請佢囉！不過我冇飛喎！（家屬唔使飛，用Pass o架？）我媽咪有！」問到阿嬌有否見過麥浚龍？輪到阿Sa說：「我代佢答，冇！（佢精神緊張喎？）叫佢保重！」

Twins興奮蹦蹦跳，連張耀榮（中）都跳埋一份！	演唱會反應熱烈，Twins開定香檳慶祝。	記者會上的孖妹紙板相當可愛！

投車牌得一想三

期間，英皇高層吳雨送上假的「TWINS」車牌：「雖然唔係真，真嗰個好貴！」阿Sa笑說：「睇得出，我哋唔係傻嘅！」吳雨即爆金句：「就係當你哋傻！最開心應該係Mani，你哋分開就要兩部車同兩個保母，復合可以Cut車同Cut保母，化妝整頭可以Cut！」不過Mani表示若演唱會爆滿，將投真車牌：「5千蚊就投啦！」阿Sa打蛇隨棍上說：「不如投『TW1NS SA』、『TW1NS G1LL』同『TW1NS』3個車牌！」

另外，Twins昨日接受查小欣主持的電台節目訪問時互贈金曲，阿Sa送上容祖兒的《爭氣》給阿嬌，阿嬌則回贈《友誼第一》：「依家我起番身，希望補償阿Sa呢兩年嘅壓力！」