昨日素顏兼眼腫腫的何超盈與女友人現身銅鑼灣眼鏡店，專攻太陽眼鏡的她全程心事重重，當記者上前訪問時，她坦言不開心：「夜蒲只係同朋友傾心事，喺兩、三個星期前，我男朋友Greg唔喺香港，有啲佢同前女友嘅相流出話佢劈腿，所以先搵Harris訴苦，Harris係我媒人，男友叫佢睇住我。」
超盈自言是個普通女仔，傷心時會找朋友傾訴：「當日食咗一支煙，我好努力戒煙戒蒲，唔開心先同朋友去玩！外籍男仔係我喺倫敦嘅同學。」她坦言不希望因此影響與男友的關係：「好難先搵到個男仔接受我，我讀完書就結婚。唔介意外人點睇我，我信嘅人信我同錫我就夠！」
