祖兒（Joey）完成《英皇盛世10周年巨星演唱會》及綵排新城音樂會後，隨即趕拍新歌《一直看見天使》MV，歌詞由黃偉文操刀，宣揚遇逆境時不要氣餒、每人身邊總有小天使守護。祖兒認同身邊有守護天使，而她的天使就是一班好朋友：「只要大家留意一下，你會發現當心情壞透或者遇上難題嘅時候，係咪會有人同你分擔或者鼓勵你一下！呢啲都會係你嘅小天使嚟o架！」

祖兒拍攝MV，宣揚逆境自強的信念。

祖兒要赤腳瞓低扮做動作，有一定難度。

撩小朋友傾偈受歡迎

為了配合主題，導演找來八位小朋友，穿上純白衣服加上天使翼扮演小天使，雖然有謂小朋友難控制，但「大細路」的祖兒極速融入小朋友世界，還兼任導演叫小朋友：「交戲、勿亂動！」但其實最頑皮的卻是她，她以「測試小朋友的專注力」為由，不時撩小朋友傾偈及講笑，惹來小朋友「投訴」：「Joey姐姐，唔好同我傾偈啦！我忍唔到笑喇！」連導演也提醒祖兒：「容祖兒小朋友，乖乖哋唔好同人傾偈喇！」休息時，祖兒被小朋友包圍要求拍合照，小朋友嚷着要唱祖兒的歌。