莊思敏、陳茵媺、陸詩韻及苟芸慧昨日出席活動，對於日前被拍到與男友吳浩康（Deep）買行李篋和婚戒似是好事近，莊思敏解釋買行李篋是與家人旅行，戒指則齋睇冇買，問到要求婚戒多少卡？她笑說：「最近有粒507卡嘅鑽石，要2億幾，叫佢努力啲。（恨嫁？）我同Deep都唔恨，身邊朋友想我哋結婚多啲。」而她還自嘲騎呢，在港間中也會入住酒店：「住酒店會覺得自己好似去咗旅行咁，好Relax，唔似喺屋企咁多嘢做。」