小時候的Yan眼大大兼面珠肥嘟嘟，相當可愛，難怪吳父最愛幫「囡囡」拍照留倩影，她說：「我細細個已經習慣望鏡頭，好鍾意影相，唔知係咪天生有表演欲，大個咗就想做藝人！」除了愛拍照外，Yan亦極度為食，嗜甜的她最愛吃果汁糖，更自爆三歲時的「為食」行徑：「阿爸同我講，有次我見佢食緊糖，即刻發晒『茅』，撲埋去大力咁撬開佢個口，『挖』佢口入面粒糖出嚟，再放落自己個口度食！」即時嚇窒吳爸爸，吳爸爸也不禁笑她：「有冇咁為食呀？」

Yan仍記得童年時爸爸最愛帶她到維園影沙龍。

放大圖片

最愛湯寶如

至於其歌星夢則源於小學時代：「我七、八歲已經開始唱歌，啲歌全部都係睇電視學番嚟，冇人教我o架！」Yan兒時又經常在家扮歌星及幻想自己拍MV：「嗰時湯寶如好紅，我最鍾意唱佢啲歌，好似佢嗰首《絕對是個夢》，我依家都識唱『凝望肖像仍是這樣……』係咪好勁呢？」

攬實毛公仔合照的Yan，想不到長大後變得男仔頭。	Yan小時候眼大大兼面圓圓，長得相當可愛。	為食的Yan看見巨型蛋糕即食指大動。