昨日Angelababy、諸葛梓岐、謝婷婷及林莉等，在海運大廈為某女性雜誌的頒獎禮擔任頒獎嘉賓。骨感十足的林莉，以1971 Peiss Tube Dress上陣，製造谷胸效果，她說：「呢套衫係大會安排畀我，但個Size細咗一個碼，所以效果會好少少，尋日試條裙試足大半個鐘，做足安全措施，所以好放心。」問到會否考慮豐胸，林莉自言滿意身材，高級時裝騷一向不要求大胸模特兒：「有時太大都未必對工作有利。（男友覺得？）依家冇拍拖，冇乜Feedback（反應），自己就覺得夠用。」

同樣穿黑色Tube Dress的Angelababy壓軸到場，她在鎖骨位置貼上Chanel手鏈形紋身，她說：「我想將自己設計嘅手鏈紋落腳度，唔擔心影響接Job，因為紋身可以代表自己。（同陳偉霆嘅愛的紋身？）唔係，都唔一樣，我哋唔係一齊紋呀！」對於「蜥蜴仔」曾德華被判囚七年半，誤傳跟他有特殊關係的Baby說：「希望佢呢七年快啲改過自新，細個嘅女仔可以諗清楚，搵個正當方法入行。」活動後，Baby乘保母車到柴灣工作，落車時用手掩着短裙防走光。

Baby到柴灣工作，落車時用手掩裙防走光。

Baby在鎖骨貼上Chanel手鏈形紋身，成功搶鏡。

梓岐封嘴唔提法拉

而謝婷婷以背心造型提早迎接夏日，提到有指她「胸」贏Jessica C.，婷婷說：「冇睇呢啲新聞，佢（個胸）靚過我。」此外，對於陳法拉封嘴拒隔空開火，梓岐亦封嘴拒回應，她表示準備到日本行騷：「男友唔會一齊去喇！佢好忙。（畀新聞影響關係？）唔會，完全冇事，我同佢難得見到面已經好開心，唔會再提呢啲事。」