忙於與楊千嬅拍攝《凹凸情人》（暫名）的周秀娜，昨日抽空出席尊貴視力眼鏡活動，獲大會送贈一副價值逾一萬六千元的象牙眼鏡。戴上眼鏡的她現紅筋，疲態畢露，她表示因拍戲中途抽空出席活動。早前有傳楊千嬅暗示她捲入敖嘉年遺失手袋風波，問她們見面時有否面左左，她說：「不嬲拍嘢氣氛都幾好。（大家有冇傾番件事？）冇乜特別傾過。（有冇同千嬅解釋？）冇諗過要解釋，希望敖嘉年快啲搵番『屍骸』。（拍戲時同邊個最投契？）幾個都OK，有傾有講，冇因件事影響，大家都想『緝兇』。」她又透露將赴日本行騷，因去年的經驗，今次不會太緊張，雖然只行一場，但會逗留幾天為雜誌拍照，在日本也有經理人幫她安排工作。她透露自己有逾200度近視，讀書時戴眼鏡，曾被叫四眼妹，但她不介意，反而覺得戴眼鏡似讀書人。